प्रकाश सिग्देल,पढ्न लाग्ने समय : २ मिनेट
फोर्ट लाउडरडेल, फ्लोरिडा (अमेरिका)
जुलाई ६, २०२६
अमेरिकाको फ्लोरिडा राज्यस्थित फोर्ट लाउडरडेलको कन्भेन्सनहल मा हालै सम्पन्न प्रतिष्ठित ‘एमेच्योर एथलेटिक युनियन’ (AAU) तेक्वान्दो राष्ट्रिय च्याम्पियनसिप २०२६ मा नेपाली तेक्वान्दो जगतका स्थापित व्यक्तित्वहरूले निर्णायक (रेफ्री) र प्रशिक्षकको रूपमा ऐतिहासिक एवं प्रशंसनीय योगदान पुर्याएका छन्। ब्राउआर्ड काउन्टी कन्भेन्सन सेन्टर मा जुन २८ देखि जुलाई ४, २०२६ सम्म आयोजित यस वृहत् राष्ट्रिय प्रतियोगितामा अमेरिकाभरि छरिएर रहेका नेपाली मूलका वरिष्ठ तेक्वान्दो प्रशिक्षकहरूले निर्णायकको भूमिका निर्वाह गर्दै प्रतियोगितालाई सफलतापूर्वक सम्पन्न गराउन मुख्य भूमिका खेल्नुभएको हो ।
१: नेपाली निर्णायकहरूको सराहनीय भूमिका र योगदान-
प्रतियोगितामा निर्णायकको रूपमा मास्टर कुमार कार्की (इभेरेस्ट वर्ल्ड क्लास तेक्वान्दोका संस्थापक), मास्टर गोपाल भण्डारी, मास्टर संजिव नेपाली र मास्टर विकास गुरुङ, सागर गुभाजु लगाएत का अन्य प्रशिक्षकहरु सहभागी रहनुभएको थियो । उच्च-स्तरीय प्रविधि र कडा प्रतिस्पर्धाका बीच यी चारै जना नेपाली मास्टरहरूले म्याटमा देखाएको व्यावसायिकता, सटिक निर्णय क्षमता र खेल अनुशासनको अमेरिकी खेलकुद अधिकारीहरू तथा एएयू (AAU) कमिटीले उच्च मूल्यांकन र प्रशंसा गरेको छ।तेक्वान्दो खेलको विकास र गरिमालाई अन्तर्राष्ट्रिय स्तरमा उकास्न र नेपाली डायस्पोराको पहिचान बलियो बनाउन यी निर्णायकहरूको योगदान निकै महत्वपूर्ण र गौरवपूर्ण रहेको सहभगीहरूले बताएका छन्।
२:नेपाली खेलाडी र प्रशिक्षकहरूको बलियो उपस्थिति-
यस वर्षको एएयू राष्ट्रिय च्याम्पियनसिपमा निर्णायकहरू मात्र नभई नेपाली मुलका दक्ष प्रशिक्षक (कोच) र प्रतिभाशाली युवा खेलाडीहरूले समेत विभिन्न विधामा प्रतिस्पर्धा गरेका थिए। विलासी ओम्नी फोर्ट लाउडरडेल होटलमा बसेका नेपाली टोलीहरूले राष्ट्रिय स्तरको यो उच्च मञ्चमा आफ्नो प्रतिभा प्रदर्शन गर्दै उत्कृष्ट प्रदर्शन गरेका छन्।
यो प्रतियोगिता अमेरिकामा नेपाली तेक्वान्दो खेल क्षेत्रको बलियो उपस्थितिको ठूलो प्रमाण बनेको छ। मास्टर कुमार कार्की लगायतका अग्रजहरूको नेतृत्वमा नयाँ पुस्ताका नेपाली-अमेरिकी खेलाडीहरूलाई मार्गनिर्देशन गर्ने र उनीहरूको मनोबल बढाउने काम यस प्रतियोगितामा भएको छ।
३:युएस चौतारीको सन्देश-
अमेरिकाको राष्ट्रिय खेलकुद महाकुम्भ मानिने एएयू (AAU) मा मास्टर कुमार कार्की, मास्टर गोपाल भण्डारी, मास्टर संजिव नेपाली र मास्टर विकास गुरुङ जस्ता दिग्गजहरूले पुर्याएको यो योगदान समग्र नेपाली खेलकुद र विश्वभर छरिएका नेपालीहरूको लागि गर्वको विषय हो। आगामी दिनहरूमा पनि नेपाली खेल विशेषज्ञहरूको यस्तो सक्रियता र सफलताले निरन्तरताको युएस चौतारी कामना गर्दछ ।
