अमेरिका मेरिल्याण्ड,
पढ्न लाग्ने समय १ मिनेट,
ख्याति प्राप्त कथा वाचिका विदूषी देवी प्रतिभाले मेरिल्याण्डमा दुई दिने कथा वाचन सम्पन्न गर्नु भएको छ । किरिया पुत्री भवन निर्माण सहयोगको लागि सयौ श्रद्धालु भक्तजनहरुको सहभागिताका बिच शनिवार र आईतवार दुई दिने कथा वाचन कार्यक्रम भएको हो । देवी प्रतिभाको कथा वाचन कार्यक्रम मेरिल्याण्डमा स्थापित नेपालीहरुको संस्था वाल्टिमोर एशोसियशन अफ नेप्लीज ईन अमेरिका वानाले आयोजना गरेको हो ।
किरिया पुत्री भवन अभाव लामो समय देखि खड्किएकाले यसलाई पुर्णता दिन यो कार्यक्रमा आयोजना गरेको कार्यक्रमका संयोजक तीर्थ पाण्डेयले बताउनु भयो ।भक्तजनहरुले कलश खरीद गरेर , कार्यक्रम स्थलमा दान दिएर कार्यक्रमलाई आर्थिक र सामाजिक रुपमा भब्य बनाउन सहयोग गर्नु भएको संयोजक तीर्थ पाण्डेय बताउनु हुन्छ । अनेसास अवार्ड कमिटिका संयोजक समेत रहनु भएका पाण्डेयले कार्यक्रम सफलताको लागि विभिन्न कमिटिहरु, मिडिया, समाजसेवी दाता,स्थानीय संघ संस्थाहरुको समेत हातेमालो गरेर सफल भएको बताउदै सबै लाई धन्यवाद दिनु भयो । 
कार्यक्रममा स्थानीय हिन्दू बुद्ध मन्दिर मेरिल्याण्डमा वस्दै आउनु भएका गुरुहरु, डेलिगेट हयारी भण्डारी , एनआरएन मेरिल्याण्ड च्याप्टर लगायतका संस्थाहरुले विभिन्न तरिकाले सहयोग गर्नु भएको थियो । दाताहरुले प्रदान गरेका रकम तथा आय व्यव विवरण निकट भविष्यमा सार्वजनिक गरिने आयोजकले जानकारी दिएका छन् । कथावाचिका देवी प्रतिभाले समुदायमा पुरयाउनु भएको अतुलनीय भूमिका र प्रवचन मार्फत अन्र्तराष्ट्रिय जगतमा दिक्षीत गराउनु भएकोमा मेरिल्याण्ड जनरल एसेम्वलीको तर्फबाट माननीय डेलिगेट डा ह्यारी भण्डारीले साईटेशन समेत प्रदान गर्नु भएको थियो । 
आयोजक संस्था वाल्टिमोर एशोसियशन अफ नेप्लीज ईन अमेरिका वानाका अध्यक्ष जितेन गुरुङले कार्यक्रम भब्यरुपमा सफल बनेको र अव संस्थाले राखेको लक्ष्यमा अगाढी बढ्ने बताउनु भयो । देवी प्रतिभाले अमेरिकाको विभिन्न राज्यमा कथा वाचन कार्यक्रम गरिसक्नु भएको छ । कथा वाचन, भगवद् गीता प्रवचन, भजन संध्या, पूजापाठ र आरती मार्फत भगवान श्रीकृष्णको उपदेश र धर्मको गहिरो सन्देश अमेरिकी भूमिमा फैलाउनु भएको छ । 
