काठमाडौ । शिक्षा, विज्ञान तथा प्रविधि मन्त्री महावीर पुनले अन्तर्वार्ता लिन चाहने पत्रकारहरूलाई आज आफ्नै मन्त्रालयमा बोलाएका छन्।
मन्त्री पुनले आज सोमबार दिउँसो २ बजे केशर महलअगाडिको खुला ठाउँमा सञ्चारकर्मीहरूलाई बोलाएका हुन्।
पत्रकारहरूले अन्तर्वार्ताका लागि दसैँपछि समय मागिरहेको तर आफूले दिन नसकेको उल्लेख गर्दै उनले आज भने समय छुट्याएको बताएका छन्।
‘सामूहिक भेटघाट र कुराकानी गरिनेछ। समय एक घण्टा मात्र छ’, मन्त्री पुनले भनेका छन्।
