काठमाडौँ । चाडपर्व भित्रिएसँगै देशका विभिन्न शहरमा निकासी गर्न लागिएको ठुलो मात्राको पटाका हेटौँडामा बरामद भएको छ ।
प्रहरीले शुक्रबार बिहान मकवानपुरको हेटौँडा-१५ रातोमाटेबाट २० लाख रुपैयाँ बराबरको पटाकासहित दुई जनालाई नियन्त्रणमा लिएको हो ।
रातोमाटेस्थित चार्जिङ स्टेशन नजिकै वीरगंजबाट हेटौँडा आइरहेको मधेश प्रदेश ०३-००१ च ९०२३ नम्बरको योद्धा गाडीबाट पटाका बरामद गरेको छ । पटकासँगै रौतहट, वृन्दावन-९ का २० वर्षीय प्रदीप कुमार चौधरी र गरुडा-४ का ३१ वर्षीय विजय साहलाई नियन्त्रणमा लिइएको छ ।
