काठमाडौँ । नेकपा एकीकृत समाजवादीका महासचिव घनश्याम भुसालले केही समयपछि नेपाल रवि लामिछानेभन्दा पनि मनपरी बोल्ने दुर्गा प्रसाईँ स्कुलिङका मान्छेहरूको हातमा पुग्न सक्ने आशंका व्यक्त गरेका छन् ।
प्रवासी नेपाली एकता मञ्चको जापान अधिवेशनलाई सम्बोधन गर्दै महासचिव भुसालले काँग्रेस,एमाले,माओवादी जस्ता दलहरूमा लोकतन्त्र नहुँदा गालीगलौज र घृणा फैलाउने व्यक्तिहरू राजनीतिमा हाबी हुन लागेको बताए ।
भुसालले केपी शर्मा ओली र ‘प्रचण्ड’को कुर्सी हल्लिएपछि एमाले र माओवादी संकटमा परेको दाबी समेत गरे । जनार्दन शर्माले आत्मसमिक्षाको कुरा गर्दा उनीमाथि ‘प्रचण्ड’ले आक्रमण गरिरहेको भुसालको आरोप छ ।
